Къаналла, хилла сан ойланийн баьчча,
Хьийза хьо гуонаха, буьйсанаш хьоьстуш,
Г1ийла дог, ойланаш йийсаре лаьцна,
Деган г1ап йог1ийна...Х1аллаквеш, цоьстуш.
Г1ийлачу диег1ана эла хила г1ерташ,
Ойланийн риемана буьрса 1у хилла,
Ма кадие лела хьо, хиттаеш керташ,
"Же, кечло"- омра деш, олаллех киепхилла!
Вита со парг1ата, лай хилла вацара со
Дахарехь лелла со, маьрша а волуш;
Йийсарехь хан такха 1емина вацара со,
Хьан довхуо а ваций со-м, цабезам болуш.