СТIАЛ СУЛЕЙМАН
ГЬАРДИ ЧАКАН ХАН АПIУРА...
Фикир гъапIган: гьарди чакан,
Ччвур иливну, хан апIура.
Уржну аькьюл айи инсан,
Сар касди диван апIура.
Хабар адру йикIру йигъкан
Ахмакьри чаз аьгъдруб кIура,
Гафар’инди саб чIарнакан
Лап ацIу хамхар апIура.
Аькьвлин вушра бегьем зяиф,
Чаз ву учв вуйирси аьриф.
Эй, гиж инсан, му яв тяриф
ЧIяаьнда – фукьан апIурва?
Улихь-кьяляхъ фу вуш аьгъдар,
Бархал, гьалав жара апIдар,
Даждин гъудугъ, ирчну адар,
ДеветIан ягъал апIура.
Эй, фагъир кас, фагьум къуру,
Хъебехъ гафнахъ, увуз кIуру:
СтIал шаир Сулейманди
Аьзарназ дарман апIура.
Лезги чIалнаан таржума гъапIур
Эльмира АЬШУРБЕГОВА