Лацу цуьк хьиз, тарцин дибдив экъеч1ай,
Таза нек1ед ранг алахьиз экеч1ай,
Атирдин ял галаз патав эгеч1ай,
Вучиз агаж жезва Зун къе, лагь вуна?
Куьрсна лацу пердени зи чинал на,
Ч1ач1ах хьайи булушкани алук1на,
Гъиле гъилни туна зи рик1 акъудна,
Вучиз ругьдиз гьахьна вун зи, лагь вуна?
Мани лугьуз тарцин к1аник ацукьай,
Зи япарихъ ширин сесес ви галукьай,
Ругь акъудна, ч1ал амачиз амукьай.
Вучиз туна зи рик1 саддиз, лагь вуна?
Зи чанда на шагьвар такваз экъуьрна,
Муьгьуьббатар цп1еларна руг ругна,
Рик1ин мурад пад авуна дугурна,
Вучда гила уьмуьрдикай, лагь вуна?
Ви хесетар, эхиз тежер кар хьана,
Гьар са рушаз шииратдин багъ хьана,
Иервални дамах гувай ч1ал хьана,
Вучда гила рик1 хайила, лагь вуна?