Ачыкъ кёкню гюнбатар гюмезинде
Гюн артылып,гечеге дёнме тура.
Атам-анам йыракъда,сагъынмакъдан,
Тёшюмдеги талчыгъым ялын ура.
Талчыгъымны гёрмесин деп яшларым,
«Ана»деген тавушгъа алышынып.
Телефонгъа къарайгъан гиши болдум,
Гёзъяш толгъан гёзлеримни яшырып.
Авлетлени гёнгю бузулмасын деп,
Анам неге йылай деген соравдан.
Кюр кюлкюмню тавушун эшитдирип,
Яшларымны къоруйман гьар боравдан.
Ата-ана гюзгюсюдюр баланы,
Бир къараса талчыкълары таягъан.
Сав оьмюрге тиер яшлыкъ яшатып,
Пашман гюнден асырагъан,аягъан.
Насиплидир сав-саламат олар деп,
Шюкюр этген Ессиге яратагъан.
Авлетлерден гьаясызы чыкъмасын,
Ойлашмайлы гюзгюню чартлатагъан.
Германия,2021