***

ШИКИЛДА
(кьат1ун)

Шикилдавайди гьуьл я:
Лепейри кьер гатазвай.
Цел сирнавиз, лув гузвай…
*Гьуьлуьн лифер аквазвай.               


Алач, лепе  хкаждай,
Гъулгъулад ван галай гар.
Алайт1а, а лепейрал,
Жедай дуьм лацу кфар.


Чирни жезвач ч1ав йикъан:
Пакам яни, я нисин…
Рагъ таквазвай цав я кьван,-
Цифер алай, - чеб «чиркин».


Гьуьлуьн тавни рагъул цав
Лап яргъа хьанва гилиг…
Я ашкьи, я гьевес жеч               
А яргъаз  ийир килиг.


Экуь тушир навдик квай,               
Желбиз тежер са акьван,               
Нашивал кваз  ч1угунвай,
Шикилдавай гьуьл я кьван!


Ч1угур касдиз кагьул туш,
Ахьтин геренд гьуьлел къвез.
Шикилдикайни къвеч хуш,
Бязибуруз, гьяз текъвез…


«Гьуьлел» -  кхьенва к1аник,
Йисни ала,  мадни  т1вар.
Гьуьл, сифте яз,  аквазвай               
Фотографдин ква ухшар…               
               

2021 й.
*Гьуьлуьн лифер  – чайкаяр