Дажынкі... колькі ў слове гэтым
Сялянства працы на зямлі.
Прыборка ўраджаю — мэта,
Чаруюць чысцінёй палі.
У сховішча звазілі збожжа,
Няма сцяблінкі на палях.
Мы з караваем — дзякуй, Божа!
І нават над саломай дах.
Дашчэнту зерне ўсё сабралі,
На полі трактар-моц гудзе.
Прыгожа глебу зааралі,
Сваёй чаргой усё ідзе.
Святкуем весела дажынкі.
Хвіліны радасці ідуць.
Праз лес наўпрост бягуць сцяжынкі,
Яны на добры фэст вядуць.