Здзiўляла сенажацей грыва,
Цвiлi вiльготныя лугi.
Спякота для касцоў не дзiва —
Працуюць, iм не да тугi.
З ахвотаю касiлi, хутка,
На лузе — ладныя капцы.
Хрыбет сялянскi — моцны, гнуткi,
Працуюць спраўна малайцы.
Праходзяць хутка рад за радам.
За кожным некалькi сцяжын.
Без мiтуснi, прыгожа, ладна,
Даходзiць кожны да мяжы.
Звiняць наточаныя косы,
Загiне свежая трава.
Збiваюцца начныя росы,
Ад паху пухне галава.
Стараюцца — не прамарудзiць,
Пакуль што не сышла раса.
Жар сонца працу iх загубiць.
Касi, хутчэй траву, каса...