У кароткай цёплай камізэльцы,
Хударлявы, з сівізной, стары,
Дзед-ляснік каня вядзе за лейцы,
Дачакаўся веснавой пары.
Запражэ ў плуг каня ён хутка,
Тэрмін набліжаецца араць.
А пакуль зямелька халаднютка,
Сухастой патрэбна прыбіраць.
Спілаваць загінуўшыя дрэвы,
Каб заразе шляху не было.
Скарыстаць пры гэтым усе рэзервы,
Вывезці, пакуль не замяло.
Апякун-дазорца самы лепшы,
Прахалоджвацца — то не яго намер.
Ён у родным лесе нумар першы,
Апраўдае дзед-ляснік давер.
У кароткай цёплай камізэльцы,
Лесавік з лагоднасцю жыве.
Ён з пяшчотай матухне-зямельцы
Ў заняпад упасці не дае.