29.05.1963 — 28.01.2021
Сапраўдны чысты самародак,
На свеце жыў Пятро Сямінскі.
Самотнасць, праца для народа,
Узровень творчасці не нізкі.
Нявыказаны ім задумы.
Вядома ж, часу не хапіла.
Дагэтуль галаву мне тлуміць,
Пісаў лагодна, а не ткліва.
Радзіме прысвячаў ён слова,
Пісаў на мове беларускай.
Зычлівасць — вось яго ўмова,
Сцяжынку ведаў, што не вузка.
Шкада, кароткая дарога,
Пятро пакінуў свет заўчасна.
Але ж дабра зрабіў ён многа,
Нам свеціць зоркаю незгаснай.
Сапраўдны самародак чысты,
Ў ім адчувалася парода.
Жыў з талентам паэт празрысты,
Застаўся ў памяці народа.