Заскаміла палец шчэпкай,
Палец мой балючы.
Закалола, я — прычэпка,
Дзе навар гаючы?
Заскамелі на марозе
Шчокі, вушы, рукі.
Воз сялянскі на дарозе,
Добра чутны гукі.
Заскаміла ў сэрцы рана:
Дзе ты, мой каханы?
Можа ты пацэліш ў браму,
Конік зацугляны?
Заскаміла, закалола —
Малайца чакала...
Свацця языком малола,
Я ж пры ёй маўчала.
Заскаміла слязьмі вочы —
Малайца не знала...
Да мяне не ён ахвочы —
Удаўца прыгнала.
Заскаміла палец шчэпкай —
Не надзець пярсцёнак.
Я — калючка, я — прычэпка...
Ты, жаніх, — мільённы...