Бахъсэныжь архъуанэу иIэр,
Счетым къиздзэу семыплъами,
Си тхьэрыIуэщ и меллану, -
Абы хэту, - сыкъызэлахэри.
ЖызмыIэнри хэлът апхуэдэу,
ЗыхуэщIыхьэхэ щымыIатэм,
Дыщыпсэуам зэхуэдэу уардэу,
СIэщIэкIащ, симыIэбу бетэмал
я щхьэфэм...
Зэманым хъутэм къебгъэгъазэ,
Ар куэдым уэим ящIынт,
Махуэм кърата нарядым -
Зыщадзыныр щагъэтынт.
Ауэ, ауэ, Бубэ дэнэ къипхыжын,
Абы наряд итыжкъым -
СССР-ри къэсэхэжащ,
Инженерым емыдаIуэу щытахэр -
жэкъуащ?
Яхуэмыфащэу лейишхуэ
къызтехьахэм,
Иджы щебёнкэри ядынут,
Ар кърашэкIыну дзыхь кърагъэзатэм,
"Хьэуэ" къыхамыгъэкIыу
щIы гъунэм яшэнут.
Бубэ делэуэ щытатэм -
Iуэхуншэу уарамым къыдэнат,
Ауэ фIыти ар жыжьаплъэт,
Ичэзууэ, тхэным зыритащ.
Зэгуэр унафэщIу щытар,
ГъащIэм шэрыуэу хоIэбэ,
Абы, уафэмкIэ сюжетхэр
кърихьэхыркъым.
НатIэкIэ зыIууахэм, игугъу ещIыр,
Апхуэдэ зэрыщыIэр -
КъыжыриIауэ щытащ
Салихь Гуртуевым,
Гъуэгу зытехьам щIегъуэжу
темыкIынуи.
Ущиие къритащ.
НэхъыжьыфIым хуэжыIэщIэу -
Бубэ куэдым зырепщыт,
Ар зытетхыхь типажхэр,
Нобэ, псори гъащIэм хэтщ.
Тхэгуэр щыIэм бзэр кIуэдынкъым,
Фи жьэр зыхуэщIыхьэхэм
къэфтIэщI,
Фэ Iуэхуншэ сэ сыфщIынкъым -
Тхьэм! - сынигъакIуэ
фи дыуэщI?!