Итим ятlа сифте хуьрай вичин кьил,
Жез хьайитlа,такьуй а кьуд папан гъил.
Паб кlвалеваз чарадаз сир гайила,
Дерт чlугвада ахпа бахтсуз хьайила.
Дуьз итимдиз жедайди я тек са паб,
Вичин кlвале хуьда гьич тавуна таб.
А къуд папар кlан я лугьур итимар,
Эхирдайни жеда чеб гьакl етимар.
Кьун тавурай хиве тежер кlвалахар,
Гъида лугьуз къайи ятар-булахар.
Бес дуьз яни икl лугьун на гьар сефер,
Тахьуй ахпа,ахъайиз жуван дердер.
Кесибдивай хуьз жедай туш а кьуд паб,
Катун мажбур жеда кьилел фейла къаб.
Кьил къакъудна фида яргъариз кесиб,
Жедалди вич гъал акалнавай раб хьиз.
Кьадай хьи за жуван гъиле яргъи кlар,
Сад вегьадай тавурла гьакl кlани кар.
Къумбар жечни бес а итимдин гьалар,
Тlуьрла хуьрек,чранвай куз-куз афар.