Япыраклы терек болып, салкынын болып,
Куьн саьвлесиннен сакларман, сени ясырып!
Ямгыр болып куйылырман, янынъ от болса!
Юлдуз болып яркылдарман, кеше йойтылсан!
Тынышынъды мен сакларман, кыйыннык келсе,
Кус болып сага ушарман, эрекке кетсен,
Тар йолынды кенъ яярман, салып куьшимди.
Йыр болып сага йырларман суьйген йырынды.
Юрегимдын косагы Сен, Сен меным яным,
Яшавымдын карасын Сен акпан сырладын.
Колымды сага созаман, наьсибимсин Сен!
Сав дунияга эстиремен: "СЕНИ СУЬЕМЕН!"