КьацIай гъилив чин чуьхуьмир,
Чинал чIулав гел амукьда.
Масадал тIуб туькIуьр мийир,
Амай кьуд тIуб вал амукьда.
Чарадан гьахъ-гьисаб акваз,
Жуван гунагь рикIяй алудмир.
Жув юкьвал кьван кьарадаваз,
Масадакай фитне акъудмир.
Итим ятIа - твах итим хьиз,
Дишегьлидиз жемир ухшар.
Тербия це жуван хциз,
ЧIур тавун паталди рушар.
Айиб гъимир жуван тIварцел,
Ви тIвар хцин бубавал я.
АватайтIа пака месел,
Амукьдайди сузавал я.