Эгер зун лезги туширтlа,
Гьи чlалал зун рахадай жал?
Жуван хайи дидеди заз,
Маса чlалал эвердай жал?
Эгер зун лезги туширтlа,
Чара чlал заз хуш жедай жал?
Жуван хайи азиз Ватан,
Тlуьр са кьас фу нуш жедай жал?
Эгер зун лезги туширтlа,
Дуьнья михьиз дар жедай жал?
Лезги чlал за хвеначиртlа,
Зи хивени пар жедай жал?
Дуьньядилай зун элкъведай,
Уьмуьрдин гел туна рекьел.
Галатвал течиз къекъведай,
Хер жедалди зи кьве кlвачел.