Амач хьана къацувилер,
Рагъу тавдин матl алахьна.
Кьуна кьуд пад хъипивили,
Винел ифей гад алахьна.
Амач цуьквер - беневш вилер,
Кьецlил хьанва цуцунд тилер.
Марфад гъана юргъар, селер,
Кьере, вацlа яд алахьна.
Чем алатна, кlерецд хвехвер,
Хъиред къеняй ийизва хъвер.
Метlед гьатна ични чуьхвер,
Дигмишвилин дад алахьна.
Хуьшреганди храй хьтин,
Лацу хьанва дагъларин син.
Сувун кукlвал сифте хъуьтlуьн
Живед куьлуь хад алахьна.
Диривилин и суьгьуьрдик,
Акат тийин, Намикь, зун гьикl?
Фагьум гайи зи сефил рикl,
Хупl хьаначни шад, алахьна.
06.12.2022