Аш куьззава бадеди,
Перемд хилер къакъажна.
Гъуьредва гъил дидедин,
Хьран кьилел акъвазна.
Буба газет гъилеваз,
Ацlукьнава са пипlе.
Гъвечlи шемпlи хъилева,
Кьаз тежез тапан пепе.
Цлал гамун гиширрин
Кваг кьуьлуьз я, агъвазва.
Муьткверд винел ишигърин,
Кстахь нурар къугъвазва.
Къецел мекьед гьуьм ава,
Муркни кьецlил тlакьада.
Цlуру сан къе тумуна,
Цlийи сан кlур акьада...
Амач буба, диде сагъ,
Зи рикlе къе аяз я.
Хуш легьзеяр, хьайи захъ,
Гил ахварай аквазва...
31.12.2022