Бийса къаьга йоаг1а седкъий лувчадеш
Ди денгара дода малхо деладеш
Са уйлаш йоага сона новкъале еш
Лор вий те укх лазарах дарба деш ?
Хьазилгаш лела ткъамаш лестадеш
Йоаг1а баьсти аре зизашца хозъеш
Са уйлаш йоага сона халахетар деш
Лор вий те укх лазарах дарба деш ?
Наьха вахар дода лепаш, кулг лестадеш,
Уж т1ехьауд цун чам гоабе г1ерташ
Са уйлаш йоага садар халак деш
Лор вий-те укх лазарах дарба деш ?
Дуненцара безам наггахьа сомабоала,
Со 1ехало, хургдолчунга са доала,
Амма, уйлаш йоага, ала ловзабоала,
Хьахетарах, цар дарба ханага доала.