Гэй! Ваколіца, збірайся!
(Тэкст песні)
Заспяваем па-сяброску
Мы ваколіцай сваёй.
Хто - мястэчкам, а хто - вёскай,
Разам - дружнаю сям’ёй.
Заспяваем, каб пачулі
Нас палеткі і сады,
І, каб татачка з матуляй
Танцаваў, як малады!
Прыпеў:
Гэй, ваколіца, збірайся!
Нашу песню падтрымай!
Салаўямі залівайся
Беларускі любы край!
Расквітнела ружай кветкай,
Ты, ваколіца мая! -
І гасцінная суседка
Ты, і родная зямля.
Нам у спадчыну застаўся
Голас твой і гонар твой.
Тут мой прадзед заляцаўся
Да каханачкі сваёй.
Хараство тваё спрадвеку
Праслаўляў у песнях люд.
І не трэба іншых лекаў,
Толькі б чуць мелодый цуд.
Прыпеў:
Гэй, ваколіца, збірайся!
Нашу песню падтрымай!
Салаўямі залівайся
Любы, мілы, родны край!
Расквітнела ружай кветкай,
Ты, ваколіца мая!
Век жыві на радасць дзеткам,
Каб чуваць было здаля!