Илъэсым щ1идзэри ц1ыхухэр я 1энат1эхэм ек1уэл1эжын щ1адзат. Зарахабзэу илъэсыжьыр щырагъэ-
жьэжым , залым щагъэува елкэр иджыри зэрыхуэпау щытт. Махуэ бжыгъэк1э узэ1эбэк1ыжым а елкэ зэгъэпэщам къакъэ пщ1ыпщ1у къэлэбгъум щыт сымаджэщым и лэжьак1уэхэр бгъэдэсахэт. Малил абы щылэжьэн зэрыщ1идзэрэ апхуэдэ зэхыхьэ щы1эу зэи зыкъигъанэтэкъым. Иджыри и ныбжьыр хэк1уатэу пенсэм к1уарэ пэт малил абы мык1уэн хулъэк1акъым. Конторэм щ1эсхэм , узыдэлажьэхэм , уахэмыхьэу дауэт , 1уэху блэк1 ущимы1эк1э уи гъащ1эм и зэхуэдит1ыр щибгъак1уэ коллективым уемыхъуэхъууи дауэт ? Ар зы, абы нэмыщ1ау гупыр т1эк1у къэфэнхэ джэгунхэ ипэ и лэжьэгъухэм, къехъуэхъуну врач нэхъыщхьэр къыщ1ыхьэнущ. Малил дэнэ щымылэжьами абы нэхъ унафэщ1 мыкъеинрэ, нэхъ узыдек1уэк1ыну тыншрэ дэлэжьау ищ1эжыртэкъым. Унафэщ1 псори унафэщ1къым, мэлил игъэунэхуау куэдым жэгъын я1эщ, ар абы зэрищ1эщ.
Совет властыр утыкум ик1ыу нэгъуэщ1 дуней къэунэхуами, псом хуэмыдэу бюджетнэ организацэхэм
щылажьэ ц1ыхухэм зи зы щхьэусыгъуэ т1эк1у ягъуэтакъэ , сыхьэт зыбжанэ нэшхуэгушхуэу зэхэсыну
яф1эф1щ. Ар блэк1а зэманым и 1эужьми, перестройкам ц1ыхухэм къахуригъэпща жьы бзаджэзэрыхэмы-
к1уэдам малил щогуф1ык1ыр. Ар езыр и 1эщ1агъэк1э иженер щхьэк1э, ''сельхозтехникэм'' университетыр
къиухыу щылэжьэн щ1идза нэужь профсоюз 1уэхухэм хэпщ1эри , профкому 1э 1этк1э хахыуэрэ сыт
щхьэк1и ибзыщ1ын праздник - махуэшхуэхэм ирихьэл1эу и лэжьэгъухэм шыгъуп1астэ 1энэ къахузэ-
ригъэпэщурэ псори къыхуэарэзыу, гуапэу зэхигъэсыфу щытащ. Иджыри а зэманым къдэлэжьа
гуэрхэм зыщ1ып1э ща1ущ1эм пщ1эрэ-нэмысрэ я1эу зэрызыхэсыфу щытахэр гуапэу я гум къагъэк1ыж-
хэр.малил езым къызэрыгуры1уэжамк1э ар лэжьак1уэбэм 1э 1тк1э хахыу щ1эщытар си напэм нэхърэ , си жып жи1эу дунейм теттэкъыми аращ. Ц1ыхухэм псори ялъагъу , а зэманми я жьэк1э къамы1уатэми - щхьэхуещэхэр 1умпэм ящ1ти 1э 1этк1э профкому зэи ухамыхыну арат. Нэгъуэщ1у малил щтыфатэм инженер къызэрыгуэк1ыу гражданскэ оборонэмк1э жэуап ихьыу сымаджэщым щымылэжьэну арат. И гъащ1эр апхуэдэу къек1эрэхъуэк1ами малил и нат1э хъуам хущ1егъуэжыркъым. Абы зэрысабийрэ хущ1ы-хьэгъуэ игъуэтам рассказ, усэхэ итхыну ф1эф1щ, адыгэхэм инженерхэр куэду я1э хъуак1эщ ари хъэрзынэщ тхак1уэ усак1уэщ ямащ1эри , малил гъащ1эм зы1ууахэм 1ууау тэрэзу, нэк1э-нащхьэ
хэмылъу имытхыжым псори зи лъабжьэм щ1эт алыхьым игу къебгъэнщ. Адрей дунейм к1уэжа нэужьи
сытым урисэбэпа ?- жа1эрэ упщ1э къратым, си пщ1энт1эпс къабзэк1э сыпсэуащ, ц1ыхухэр нэхъыф сщ1ын мурадк1э тхылъ стхыуэ щытащ жи1эм хэт ищ1эн-жэнэт 1унк1ыбзэ хуэхъунри хэлъщ.
Дуней хьэхум щзэрапхъуэ ф1ыгъуэ-ф1ыгъуэхэм хэн куэдым апхуэдэ гугъэхэр я гум щэхуу ща-
хъумэм, малили абыхэм ящыщ зыщ. Зэзэмызэ абы и щхьэм, нэгъуэщ1 зыгуэрхэри къыщик1эрахъуэ щы-
1эщ, къулыкъури уэстри , узыншагъэри уэстатэкъэ, адрейхэм ящ1ар щ1умыщ1ар сыт жи1эрэ, къеупщ1ы- б
жы1уэ хъумэ, абы и жэуапыр хьэзырщ.-
Псори хьэзырт. 1энэм трагъэувэну хъуар трагъэувау тетт. Малил зиплъыхьри залым зыкъизыхыу къы-
щ1ыхьа и лэжьэгъухэм езым нэхъыжь хэту къыхуэлъэгъуакъым . Университетыр къиухыу лэжьэн щыщ1идзар и гум къэк1ыжырт. Абы щыгъуэ, зэхуэсахэр 1энэм щыт1ыск1э малил и шэнт зытет1ысхьэнум
куэдрэ лъыхъуэтэкъым. Ар адыгэт, адыгэ хабзэм щ1ап1ык1ати 1энэк1апэмк1э и т1ысып1эр къыщилъы-
хъуэрт. Нэхъыф1у хъуар. Здэщы1эр адрей 1энэк1апэра пэтми , шхафэгумк1э зыригъэзт. Абы. Лэжьэн щыщ1идзар къалэм и къуэк1ып1эмк1э маршынэ щит1ым нэблагъэ зыдэт гаражырати, апхуэдэ -
хэм деж конторэм щылажьэхэм нэмыщ1, шоферхэм ящ ыщи, слесарьхэм ящыщи 1энэ к1ыхьым къырихьэл1эхэрт. Абы къулыкъу имы1ыгъми ныбжьк1э езым нэхърэ нэхъыжь илъэгъуау малил зэи абы и жьант1эмк1э к1уэнутэкъым , хабзэ мыщ1эу зыдэлажьэхэм яхэ1уэну ***йтэкъми.
Малил и ныбжьк1э тхылъ куэд щ1эджык1ащи, ''жьант1э'', ''шхафэгу'' псалъэхэм я1э мыхьэнэм хуэдэ мы-
хьэнэ и1эу нэгъуэщ1 лъэпкъхэм къагъэсэбэпу ирихьэл1ау къыхуэщ1эжкъым.
Иджы залым врач нэхъыщхьэр къыщ1ыхьэм ар 1энэм нэхъыжьу т1ысынущ. Гектарибгъу хъууэ сымэ-
джэщым щ1ы и1ыгъщи абы щы1э корпусихми абы и унафэр я унафэщ. Малил дохутыру емыджами и узыншагъэм сэкъат имы1эу, ауэ ''зыгуэр къэзгъуэтхунк1э '' жери сымаджэщым къэувау щытащ. Илъэс пщык1утху хъужащ абы лъандэрэ, хэти ар игугъэнт сымаджэщым щы1эуэрэ пенсэм к1уэри ежьэжащ.
Къэхъуар къэхъуащи , абы малил ирищ1эжыфынукъым. Ирищ1эжыфынуращи , лэжьыгъэм къыщыдэхуахэм
деж , з. Ыгуэрхэр иуц1ырхъыурэ иныкъуэр рассказ хъуащ, иныкъуэми мы дурдылми усэ формэу зыгуэр
къищ1ык1ати малил тридзэри ''къуршхэр мэпапщэ'' жи1эу тхылъ къыдигъэк1ащ. А 1уэхум теухуау
тхьэ зыщып1уэ хъунуращи, иужь илъэс т1ощ1ырыпщ1ым урысей къэралым и к1уэц1к1э а зы тхылъырау
къыщ1эк1ынущ дунейм къытехьар сымаджэщым щылажьэм итхау.малил абы ф1ыу тегушхуащ ,
сытщхьэк1э жып1эм , абы ар и борштэкъым. Имыборшми щ1егъуэжкъым, усэ стхыу усак1уэ сыхъуащ же-
ри игъэ1ури и гукъейуэу хъуар къи1уэтащ. Тхылъ зытхын ***йхэм, ц1ыхухэм я гукъейуэхэмрэ я гуращэ-
хэмрэ къэзы1уэтэну къызытехуэхэм зыри щыжамы1эк1э сэ сыщы1экъэ жыхуи1эу. Гум илъыр фадэм
къреху жыхуа1аращ адыгэхэми , малил и тхылъыр щитхым зыгуэри ще1уба щы1агъэнщ, ауэ ари сытым-
щхьэк1э гъэхъыбарын ***й. Ц1ыхухэр занщ1эу къыпщ1эплъыну хьэзырщ , фадэм и 1уэхур сыхьэтмыгъуэщ.
Абы теухуау ик1и тхьэмахуэ махуэу ик1и и мылэжьэгъуэу, ''пищеблокым'' деж псыр къыщиудащ жари къе-
к1эпсауэри малил лэжьап1эм дэмык1ыу хъуакъым. Илъэс т1ощ1 ипэк1э щ1ым щ1ахьа бжьэмийхэр т1оры-
сэ хъуати сымаджэщым апхуэдэ зы1умыбз къыщыхъурейт. Псым елэжьхэр къызэрагъэгугъам хуэдэу къэ-
к1уатэм зыри къэмыхъуныри хэлът. Мо махуэ бжьыхьэ щ1ы1эм, малил псыр къыздэщиудам деж щытурэ,
еша-ел1ар, зыкъигъэхуабэжыну щ1ыхьар джэбрэ1ил 1ууащ. Джэбрэ1ил асыхьэту апхуэдизк1э гуф1ати псы1убыгъуэ зимы1эу щыс пщаф1эхэм, псыр къратыжау ф1к1а пщ1энутэкъым. Малил ''хэгъэрейр'' холо-
дильникым дэ1эбэу зы бжьэ къызыдихам абы пэрыуакъым. Пэрыуэнуми щэбэт жэщым хьэгъуэл1ыуэ хэ-
сау и 1уэху щ1агъуэтэкъым. Нэхъык1эрати псым елэжьхэр а махуэм къэк1уакъым ''пищеблокым'' нэхъ
ерыскъыф1ыу я1эм бгъэдэт1ысьа л1ит1ри бэяуакъым. Малил къыздэтэджыжа 1энэмрэ зыдиунэт1а и ка-
бинетым и эхуакумрэ метрищэрэ щэныкъуэрэ дэлъти ар ''автопилотыр'' пигъанэри ар тэмэму ик1уащ.
''Автопилотыр'' зи1ысыр фадэр зи нэрыгъхэм ящ1эр, зымыщ1эр ар 1умпэм зыщ1хэращ. Конторэм и бжэр
ик1уэц1ымк1э къэгъэбыдау къыщ1эк1ри малил сыт имыщ1ам хуэ1ухакъым, арати бзаджэ жи1эри лъэ-
ныкъуэ зыригъэзащ. Блыщхьэм лэжьап1эм къызэрысу къэхъуар врач нэхъыщхьэм 1урадзэжащ. Абы
иужь лъандэрэ лэжьыгъэ 1уэхук1э щ1ыхьами , сек
Абы иужь лъандэрэ малил зэрыщ1эбжьэхъуам игугъу къыщыхуищ1ынум врач нэхъыщхьэм къыщыхуи-
***щ1ынум ежьэурэ езэшри сэбырыжащ ?..
Махуит1 хъуау, жьычу уэсыр къест. Сымаджэщым дэт уэздыгъейхэм ар я къудамэхэм тесэрти ''уи''
иджы къыф1ещ1ык1ыр жып1эну блаблэу ф1элът. Апхуэдэ лъэпо-щхьэпо къэхъуу щытми ахэр -къыф1э-
щ1ык1ым , ц1ыху блэк1ыу хуэмызэм къулесызагъэ къримык1уэнри хэлът. Шынагъуэр пхъэхуей ину дэк1ейяхэрт. Ахэр жэщк1э сымаджэщым и пщ1ант1эр къэзыгъэунэху уэздыгъэхэр зыф1элъ пкъуохэм ящ-
хьэк1э к1уахэти я къудамэхэм уэс къызэрытесэу ток к1апсэхэм тещ1эу зэпичын жыхуэп1эр зыми щыщ-
тэкъым. Куэдрэ къэхъут щызэпичи. Апхуэдэхэм деж езыхэм абы елэжьыну ц1ыхуи, автовышки я1этэкъми
гугъу ехьхэрт ныкъусэныггъэ къэхъуар зэпэщ ящ1ыжын теухуау. Нэхъапэм щы1а токум елэжь организа-
цэхэр ахъшэ йумытынум къыпхуэк1уэнутэкъым, дэ иджы унейуэ ди щхьэм дыхуэлэжьэжу аращ къэра-
л ым и 1уэху къытхэлъыжкъым жа1эрти. Апхуэдэхэм деж малил куэдрэ мычэнджащэу къалэ администра-
цэм занщ1эу ек1эпсауэрти , ахэм я ф1ыщ1эк1э службэ гуэрхэр къак1уэрти к1апсэхэр тэмэм ящ1ыжырт,
зэран хъу къудамэхэри зэрыхъук1э пагъэщхъти, зыкъомырэ тэмэму ек1уэк1ырт. Дунейри, гъэщ1эгъуэнщ,
нэхъыбэм и щ1ымахуит1 зэхуэдэым. Малил убэлэрыгъ зэрымыхъунур иджыри щ1ымахуэ зэрыщы1энури,
жыг къудамэхэм хэхъуэн зэрыщпмыгъэтынури къыгуры1уэрти автовышкэ зи1э организацэхэм къыхуа-
щ1эфынум теухуау адэк1э-мыдэк1э щ1эупщ1эуэрэ ек1уэк1ырт. Ауэрэ к1уэуэрэ щ1ымахуэри иухри гъэхэ-
пэу, езым рулыр и1ыгъыу къуажэм к1уэжрэ пэт, бахъсэн гъуэгу зэхэк1ып1эм деж щыт рекламнэ щитым
гу лъитащ. Джэду дзыгъуащэщ жыхуа1рати, налшык дэт фирмэ гуэрым автовышкэ я1эу, ар арендэу ятурэ
лажьэхэу? Малил къэувы1эщ гъуэгубгъум зыритри фирмэм телефоныр и мегафоным мып1ащ1эу ирилъхьэ-
ри занщ1эу ек1эпсэуащ. Адэк1э ц1ыхубз макъ щабэ сынода1уэ !?- жери къэ1уащ. Малил куэдрэ зимы1э-
жьэу ц1ыхубзым , салам дахэу ирихщ епсэлъыл1эри , автовышкэ ***йу епсалъэ ц1ыхухъум унэшхуэ къри-
гъжьау зэримыщ1ыр гуригъэ1уащ. . Къалэм дэт , ц1ыху зи щхьэхэм дерт игъуэтахэм ще1эзэ сымаджэ-
щым инженеру зэрыщылажьэми игугъу ***щ1ащ. Илъэс т1ощ1ым щ1игъук1э узэ1эбэк1ыжым а сыма-
джэщыр зэраухуау абы и пщ1ант1эм проектым хэту, жыгыщ1э ц1ык1ухэ куэду зэрыхасау щытар, иджы ахэр хэхъуэ зэпытурэ ин хъуау , я къудамэхэм ягъуэнэгъуу ирик1уэ току к1апсэхэр гъэр хъуам зэрызэ- пичри жыри1ащ.псом ящхьэращи бюджетым тесу аращ сымаджэщри , изы сом ахъшэу ератыну зэрамы-
1эри ибзызыщ1акъым. И псалъэмакъыр к1ыхь хъуами, к1эщ1 хъуами, малил зыгъэгузавэр , дэ ахъшэ зи-
мы1эхэм дадэлажьэркъым жери арат. Ауэ хэримыгугъау, мегафоным щабэми имызекъуэу, ц1ыхубз макъ
дахэ къи1ук1ащ, письмо къэтх жери. Абы къик1ыр малил здэпсэлъа фирмэм , ц1ыхугъэрэ адыгагъэрэ мы-
к1уэдау щызек1уэу арат. Ар малил къэбыл ищ1ащ. Секретаршэр, куэдрэ мычэнджащэу, зыми емыупщ1рэ емыусэу, письмо къэтх щыжи1ак1э, къэлъа1уэ1эмэ ахэр зыдэ1эпыкъухэ щы1эу арат. Малил нэмыщ адрей ц1ыхухэми я нэр щыпхакъым а щитым тет номерымк1э псалъэхи щы1эщ, ик1и къызэрыщ1эк1ымк1э
а фирмэм и унафэщ1ым, щылажьэхэм 1уэху зэф1эна зэф1агъэк1ыфыр !
Махуит1 нэхъыбэ дэмык1ау, малил псым елэжьхэм епл1анэ отделением деж бжьэмийр т1орысэ хъууэ
къыщиуда псыр къак1уэу ягъэтэмэмыжыну телефонк1э здепсалъэм, кабиетым бжэр дамэдазэ ищ1щ, къы-
къуэплъри зы щ1алэшхуэ къыщ1ыьащ. Малил а щ1алэр зэи илъэгъуатэкъым, ауэ ар врач, дохутыр лъы-
хъуэртэкъым бэяну. Кабинетыбжэм ''инженер'' жи1эу тетхау тетт. Малил телефоныр 1э ижьымк1э и1ыгъыуэ-
рэ 1э сэмэгумк1э шэнт щы тымк1э 1э ищ1ащ- т1ыс жыхуи1эу. Щ1алэ мыц1ыхур 1энкунурэ бжэм нэхъ пэ-
гъуэнэгъу т1ысащ.
Малил и кабинетым къыщ1эк1эрэхъуа щ1алэм и щхьэм сэкъат и1э хуэдэтэкъым. Умыврачми илъэс
пщык1утхук1э я щхьэмк1э сэкъат зи1эхэр прогулкэ. Къыщ1ашау шыплъагъук1э, е жьышхуэ къепщэрэ
току к1апсэр жыг къудамэ къыф1ищ1ык1ам зэпичыу, фымыгузавэ токур мыгувэу къэк1уэжынущ жып1эу
узыр нэхъ къзтемыхьэлъэ сымаджэхэм уащыхыхьэк1э, узэпсалъэ ц1ыхур кхъузаннэм ибгъэк1ыфу уосэр,
тэмэмымрэ мытэмэмым теухуау. Малил а 1уэхум хуэижь хъуау зибжыжырт.
Отделениехэм я унафэщ1хэм малил псынщ1эу хъыбар иригъэщ1ащ автовышкэр сыхьэтит1к1э ауэ яхуэ-
лэжьэну къызэрык1уамк1э. Ахэм санитархэр щхьэж щылажьэ корпусым хуэзэу, езым ц1ыху зыщ1игъэу-
1уэн и1этэкъым ауэ къахуэлэжьэну къэк1уа щ1алэм дигъэ1эпыкъуну. Сымаджэщым я электрикыр скорэм
ису дэк1ати, аби хъыбар иригъэщ1ащ псынщ1эу къэк1уэжыну. Нахъапэ иту жыг ухъуэнщ1ын ***йхэр ма-
лил белджылы къищ1ак1эт.
Псом нэхърэ нэхъ зыщыгугъа , сымаджэщым я пхъащ1э, уарамым хьэулейу лэжьэп1эншэу сыдэтщ, уи л1а-
хэм я псапэ , дызэхуэдэ адыгэщ, кхъы1э зыгуэр уи1ыхэм лэжьап1э сыкъащтэ ик1и дызэхуэдэ адыгэщ
жи1эу малил лэжьап1эм къигъэувар, и ныбжьк1э иджыри щ1алэрэ пэт вышкэм дэк1уей мыхъуну къыщ1э-
к1ащ , унэм я дэк1уейяп1эм къыщех щыдэк1уек1э и щхьэр уназэу жи1эри. Апхуэдэ тхьэгъэп1ц1хэм малил
игъэунэхуау фызыф1 къапэщ1охуэ. Нэхъ гъуэнэгъу ар къиц1ыхуа нэужь зэи ар 1уигъэк1ыжыну ***жьат
малил, къудамэ узытесыр дауэ пыбыпщ1ынт, абы щхьэгъусэ хурирэ, нащэ гъэф1э1уа, помидор гъэф1э1уа
1эф1у зэрызэхилъхьэм гу лъитати, пхъащ1э 1э гуахъуэр игугъу имыщ1ыу игъэлажьрт.
Пхъащ1эм а махуэм малил гузэрыдзэ иригъэщ1ами ф1ыти жыг ухъуэнщ1ынхэм хуэшрыуэ санитархэ
къахэк1ащ, абы и ф1ыщ1эк1э электрикри игъуэу къэсыжщ, зэдейу лэжьэн щ1адзэри току к1апсэу хъуам
ущызык1эщ1эплъу зэран къахуэхъу къудамэхэр къыраупщ1ытэхри лъэныкъуи иргъэзыжащ. Шэджагъуэм
ипэ къихуэу сыхьэтит1к1э я1ыгъыну ***ту автовышкэри сыхьэтыр тхум ежьэхунк1э я1ыгъащ. Абы и щ1ы-
1ужу абы ису къэк1уа фирмэм и лэжьак1уэм, сымаджэщым и 1уэхур зы1утыр илъагъущ, лэжьыгъэр ик1эм
нимыгъэсу дэк1ыжым ящ1ау хъуар псыхэк1уадэ зэрыхъунур илъагъури, сымаджэщым и лэжьак1уэхэм,
шэджэгъуашхэ жи1эу, лъэныкъуэ зыримыгъэзу тэрэзу къадэлэжьащ. Апхуэдэ 1уэху бгъэдыхьэк1эм, зы-
гуэр къызгуры1уэм гу лъимытэу къигъанэркъым. Малили къигъэнакъым. Жыг ухъуэнщ1ынхэр ямыухщ1ы-
к1э и кабинетым щ1ыхьэжри , тхылъымп1э къабзэрэ ручкэрэ къищтэри фирмэм и унафэщ1ым и ц1эк1э
письмо итхащ, администрацэм къыбгъэдэк1ыу ф1ыщ1э зэрыхуащ1ымк1э я лъэ1ум мыхьэнэ ириту авто-
вышкэр къазэрыхуигъэк1уам щхьэк1э. Абык1и зэф1эк1ырт а письмор, к1ыхь ящ1 хабзэкъым.малил а
письмо шофер къэк1уам нарочнэу ириту здригъэхьыжынум , аф1эк1а щыжимы1эм ф1эмащ1эти , я лэжьак1уэ , къадэ1эпыкъуу кахэта и ц1эри, и унэц1эри писмом иритхэри сымэджэщым щылажьэу хъуам
къабгъэдэк1ыу ф1ыщ1эшхуэ зэрыхуащ1ри къигъэлъэгъуащ. Апхуэдэ письмо щатхам деж 1э щ1эзыдзри,
щ1эзыдзын ***йри врач нэыщхьэращ . Пписьмом иту хъуар пэж , ауэ ар зэрыжа1эу и форматтэкъым.
Малил мып1ащ1эу т1ысри итхам аргуэру зэ еджэжащ , хидзыну1эу игу пымык1ыу къищтэри врач нэхъы-
жьым деж и1ыгъыу щ1ыхьащ. Кабинетым бухгалтер ц1ыхубзырат щ1эсри ар езым я лэжьак1уэт, ягъэ к1ы-
нутэкъым. Зи зэрыщ1ыхьэхэу врач нэхъыщхьэм и упщ1эр хьэзырт : лэжьыгъэр, жыг ухъуэнщ1ыныр дэнэ
нэвгъэса ?-жери. Здынэсар мис, автовышкэм исым печатэт машинисткэм езгъэщ1у здезгъэхьыну аращ,
ет1ыуанэ гъуэгуи зыгуэрк1э делъэ1ум ди хьэтыр ялъэгъун хуэдэу жери и 1эмкэ итха письмор ***шиящ.
Малил почерк дахэ и1эти письмом къеджэгъуаф1эт.
Хуабэ къезытхэм , е псым елэжьхэм малил письмо яхуитха нэужь, врач. Нэхъыщхьэр ирижэу еджэрти, мэ машинисткэм ети печатэт егъэщ1 жи1эрти письмор къритыэжырт. Мы зэм абы зы дагъуэ гуэр къыхуигъуэтау письмор игъэк1эрахъуэу и1ыгът , зэманри к1уэрт письмори гувэ хъунутэкъми, хъуэр т1эк1уи хэлъу ''писатель'' жери малил зэ къыхуэщ1эплъащ. Хъуакъым-жи1эу, те1эзэщ1ыхьын игугъа щхьэ хъуакъымри жи1акъым, письмом япэ ит предложениер зэрыщыту къыгъанэри , ет1ыуанэр иритхъык1ащ : ''къавгъэк1уа фи лэжьак1уэри фхуэфащэщ, ф1эл1ык1 и1эу къыщ1эк1ри къытхэту 'къыддэлэжьащ'' жыхуи-
1эр . Абы къик1ыр иджы письмор формат хъуау арат.
Арам, аращ, адыгэхэм я жы1ау: уи хьэм уэ ф1эпщыр и ц1эщ жыхуа1эрати , сы писателым сы писатель
жыхуи1эу малил, письмор п1ащ1эгъуэк1э машинисткэ зи лэжьыгъэр зыухау щ1эк1ыжыну къежьэм иритри печатэт иригъэщ1ащ. Апщ1эндэху бухгалтерыри врач нэхъыщхьэм деж къыщ1эк1ыжащ.
Малил щылажьэ сымаджэщым инженер къызэрыгуэк1ыу ущылэжьэну ук1уау писатель ухъуау уи щхьэ
лъагэу 1этау укъыдэк1ыжыну сыт иуасэт. Иджы п1ащ1эгъуэк1э сымаджэщым щагъэхьэзыра письмо мы-
к1ыхь 1ейм, 1э щ1ригъдзыну врач нэхъыщьэм деж щ1ыхьэр, абы инженеру ену илъэс пщык1утхук1э щы-
лэжьа малилтэкъым , ат1э абы егугъуу щылажьэуэрэ писатель хъуа, хьылым зи1э-акъылыф1э абрэджы-
къуэ малилит. Ар дияпэк1э куэдрэ щ1эчэнджэщэн щы1этэым , сэ сы писатель хьэмэрэ.., апхуэдэу зы-къысщыхъужу ара ?- жи1эу. Джэгуу жи1ами, иф1эщу жи1ами, абы писатель жи1эу къещар куэд щ1ау, абы
***джау ц1ыхухэм я щхьэм е1эзэ ц1ыхут !
А сымаджэщым я врач нэхъыщхьэм алыхьым ф1ыгъуэр къыхуищ1э , абрэджыкъуэ малил , бизнесмени
хъуну хуэмейу, олигархи къефыгъуэ къеижхэр имыгъэбэгъуэн щхьэк1э мыхъуау,и ц1ыхугъэ гуэрым , инже-
нер ***йуэ мэхъыбарыри к1уэй еплъ укъищтэм жери, т1эк1у чэнджащэ и1эуэ к1уар къищтащ. Ар дунейр
щыгугъурати протекцэ уимы1эу зыщ1ып1и уувыфынутэкъым.
Апхуэдизрэ врач нэхъыщхьэмрэ абы щылажьэуэрэ писатель хъуа абрэджыкъуэ малилрэ зэдэлэжьахэ-
рэ пэт илъэсыжьыр ирагъэжьэжу, илъэсыщ1эр къыщырагэблэгъам щыгъуэ ф1эк1а зэ зы 1энэ узэда щы-
зэбгъэдэсахэтэкъым. Малил къыщыпц1ыхунури и акъылым къит1асэр къыщыпщ1энур апхуэдэ 1энэм
ущрихьэл1амэт. Абыщыгъуэ я инженерым пасалъэ щыритам , 1энэм тхьэмадэу щыса врач нэхъыщхьэм
малил и псалъэк1ари и зы1ыгъык1ари, ажыгэл1ым хэлъын ***й нэщэнэф1хэр зэрыхэлъми абы гу лъимы-
тэу даи къэнакъым. Къадэлажьэ ц1ыхубзхэм я махуэр щагъэлъап1эм врач нэхъыщхьэм абы щыгъуэ езыр
ехъул1этэкъми абрэджыкъуэ малил-писатель иджыри куэдым къамыц1ыхуам и пщэ къыщ1эжилъхьар,
л1ыщхьэ гуэрым къыщалъхуа махуэмк1э сехъуэхъуну сык1уэн ***йщи ''вечерыр'' уэ пхузэф1экынущи
егъэк1 жи1эу.
И р и гъ э к1у э к1 а щ
,