Анам долма бишире
Ажай гьалива булгъай.
Яшлар кампет жыягъан,
Байрамгъа ювукъ бугъай.
Ахшамдан берли алай,
Дорбамны гьазирледим.
Танг хораз къычыргъандокъ,
Байрамгъа гьазир эдим.
Гьайт,азиз къурдашларым,
Чыгъайыкъ деп зенг ура.
Йыл гёзлеген байрам гюн,
Етип гелди чи,гьурра!
Тутгъан оразагъызны,
Аллагьым къабул этсин.
Абзарда къычырарбыз,
Есиси тез эшитсин.
Яшлар гелген тавушгъа,
Инсанлар бек сююне.
Бир дорба аз болажакъ,
Къарагъанда кююне.
Орам толгъан яшлардан,
Дорба толгъан кампетден.
Савлай юрт жагь айлана,
Сююне гьар мюгьлетден.
Ёлда ойнагъан кюйню,
Айтмай къояйым сизге.
Сав йыл эсгерер гьаллар,
Болду чу бугюн бизге.