Цуз а сумавурдай са яру чай заз, ийерди,
Ашкъидин ишарат хьуй ам, авай заз, ийерди.
Гьикьван жеда зун ви рикlевайбуркай хабарсуз,
Чирмир умудар гьикl жедатlа зай заз, ийерди.
Заз туш дуьнедин муьлкни мал гьич са кепекдай,
Тlвар ашкъи тир а муьлкуьна хьуй пай заз, ийерди.
Шакмир хьи михьи севги я зид, гьакl са гьевес туш,
Гьар квайди кьве мез на ийимир тай заз, ийерди.
Къайгъуда такьарди хьаначир Эсли Кереман,
Жаваб тахьай ашкъид, лугьуда, кай заз, ийерди.
Вуж я лугьумир, Намикакай хьайтlа хабар са,
Аку, гьа чlавуз зун рекьида - вай заз, ийерди.
02.06.2023