Вун яни зи чlалахъ туширди?
Бес са вун тирни хуьре авайди?
Дагъларни зибур,вацlарни зибур,
Вун хьана девирдин кьиле авайди!
Дагъларин мани,авахьзавай вацl,
Акахьзава чи Каспий гьуьлуьк азад.
Кlвачерик кваз звер,рикlени умуд,
Бес жедачни вун уьмуьр тухуз шад?!
Жуван рикlе къаст хьайила са еке,
Артухриз вичин алахъда мал-девлет.
Бахтлу хьайи касди эцигда къеле,
Мел авурла,вирида чlугурла зегьмет!
Хайи чилин артух жедачни девлет?
Жедай хьи, авуртlа кар эгечlна!
Гьар сада къалурнайтlа вичин хесет,
Кьегьалди хьиз лугьурай гаф экъечlна!