Аз лаьца уллув цхьаккха воаг1авац,
Ваха безам бале - наькъаш дийла да,
Са дог хьога бенача баленах кхардац,
Амма сайгара г1озале екъа раьза да.
Хьайна ловча бесса боарам бистача а,
Эг1азло хинна: «Кхы боацаш?» - яхаргдац,
Совбаьнна безам совг1ата белча а,
Аз санна мара саго хам бергбац.
Дагабоалам хургбац дайча долаш дар,
Е хьовзам хинна дог а делхаргдац,
Са сигалено хьайга йита седкъий лар,
Леторгашца хувций а сона новкъа хургдац.
Х1аьта, белгалла доацар пхо хинна чакхадоала,
Чингтохар сиха-сихха етталуш низ д1аэца.
Набаро готтадаь шайт1а корзаг1доала,
Яй кхийкхача аз цун оамал хьат1аэца.