***
У душы пустэча, пустка, пустата.
Нават неахвота лашчыць і ката.
Памідоры выбраць, ці не выбіраць?
У душы пустэча. Чым душу заняць?
Пройдуць ціха бабы. Пранясуць грыбы.
На душы самота ніцае вярбы.
Зноў суседка ў градах. Ёй адно гуркі.
У душы пустэча - белыя пяскі.
Ходзіш, нібы п'яны. Сумна робіш штось.
На палетак выйдзе грацыёзны лось.
Велічна так гляне. Сэрца зашчыміць.
У душы пустэча, але трэба жыць.
11. 08. 2023 г.