Тачи васьфтень мокшень аля.
Саламань сельванфоц сонь.
Прясон мяльхне вармакс шарыхть,
Пильге лангста прафтыхть монь.
Кода сонь мон казьса тянкса?
Кода пачфтьса тяка ванфть?
Кода тяни меки максса
Седи лангстон салаф канксть?
Ломань ёткса яказь ёран
Няемс тяка сельмованфть.
Коста няйса сонь? И моран
Лемонц эса - питни валть.
Мезьса седить петьса? Колавсь Удомазе. Ронгть сявсь толсь.
Сенем менельса шись олась.
Аф тяшкава мазы ковсь.
Тушенды пильгалдон модась.
Аф ладяви ушетф тевсь.
Лафтубрять утяй канкссь кода!
Матрай эсон стака кевкс.
Алясь, кода ведти, чёпафтсь.
Аф листяма фкя ки лангс.
Мзяра удомазень етафтсь!
Цильфоц - седисон орпанкс...