Лии шарозь акша ловнясь,
Лии, цифторды сиякс.
Мялец, тяштекс мады мяштти,
Мялец, ацави руцякс.
Якшамсь ашкордазень сембонь,
Крьвястсь ковнять мархта шить.
Куду пуроптозень иттнень,
Няфтьсы кяжи азорксшить.
Аньцек акша ловнять кельги,
Аф перясы ялганц кинц,
Фкя-фкянь мельге пецек яказь
Етафнесазь пара пингть.
Уды сизеф шачем масторсь,
Няи сетьме мазы он,
Кода ласьки тундать каршес,
Кода мазолгоды сон.
Пинге ётазь сизи якшамсь,
Синдьсы сюронц лямбе кожфсь,
Кядьта кундазь ловнять мархта
Тага кяшихть кати-ков.
Сай тундась, сон шадокс шуди,
Ведькс туй кизонь колма ковсь,
Сёксесь пиземкс туй, сай тялось,
Тага кеняртьфтьсамазь ловсь.