Бысть лето люто в оный год.
Царевич именем Арапша,
Свиреп зело, великий ратник,
Мужествен и крепок,
Перебежа из Синие орды за Волгу,
Всхоте идти к Новугороду Нижнему
С татарскою немалой ратью.
И вестника посла Князь Дмитрий Константинвич
К своему зятю Дмитрию Московскому,
И князь Великий, воя многия собрав,
Прииде к Новугороду на помощь тестю своему
Со множеством невиданного воинства.
И не бысть вести про царевича Арапшу,
И возвратися князь в Москву, не преломив копья,
Оставя своя воеводы, стояти тамо с Юрьевцы,
С Владимирцы и с Переславцы,
С Муромцы и с Ярославцы.
Потом же, начаша, им неции глаголати, смущая,
Что ведают,
Где крыются Татарове с царевичем Арапшой.
Но оплошишася, гордящиеся вси.
О том, не ведая,
Посла князь Дмитрий Константинович
С великой ратью
Сыны своего Ивана на реку на Пиану,
И весть прииде к ним,
Что далеко на Волчьих Водах
Царевич тот Арапша.
И, начаша весьма все веселитись,
И, яко корысть, многу,мняще обрести, глаголюще:
«Никто ж не может стати против нас».
Доспехи на телеги и в сумы, скуташа,
Ходиша по простому: в сарафанех и в охабнех,
И ездиша, порты своя со плечь спущающе,
А петли разстегавше,и, аки в бане, разопревше.
Бысть время знойное.
Любляху же зело пианство.
Когда, где мед,
Вино и пиво, наезжаху,
То упивахуся без меры.
Князья и воеводы, яко вси:
Пиюще и деюще ловы,
Забыв о мудрости смиренья,
Яко Господь дасть благодать смиренным,
И, яко вси, есмя Адама внуци.
Они же величающеся в гордости,
И Божий гнев смири гордыню их.
И тако в то же время князья Мордовские
Татарску рать с царевичем Арапшей
На рати наши подведоша втаю.
А князем нашим, в небреженье сущим,
О сем смышляющим ничтоже,
Аки не бысть о том им вести.
Татарове же вборзе,
Разделишась на пять полков,
И безвестно удариша на нашу рать,
Биюще и секуще в тыл.
А наши же не успеша ничтоже,
Что бо им сотворити,
Понеже бысть безвестно им.
И побегоша к реце ко Пиане,
Яко ничтоже могуще,
А преже величающеся,
Аки всемогуща. И князь Иван
К реце ко Пьяне вборзе прибежа,
И на коне, ввержеся в реку Пьяну, утопе.
И истопоша с ним в реце во Пьяне
И множество князей, бояр, вельмож и воевод,
И слуг и воинства безчислено.
И бысть великий страх и ужас,
Изнемогоша и бежаша вси.
А Агаряне, возрадовашась радостию велей,
Собраша многочисленный полон,
И, вострубивше на костех христьянских,
К Новугороду Нижнему изгоном поидоша.
И МЫ ВСЁ ТАМ ЖЕ НА РЕКЕ НА ПЬЯНЕ:
УСТА В МЕДУ И МЫСЛИ ПЬЯНЫ.
2008 г.
Авторская компиляция с «Воскресенской» и «Никоновской» летописей.
Автор попытался быть предельно точен как в изложении событий, так и в передаче языка первоисточников.
Битва на реке Пьяне произошла в 1377 году.
Представлены следующие полотна Пала Рыженко: по краям «Ослябя», «Победа Пересвета» ( фрагменты ); по середине «Стояние на костях», «Безмолвие».