За шмат гадоў на белым свеце
Я пакахаў усёй душой
Начныя зоркі, вольны вецер
І сціплы восеньскі спакой,
Калі ўсе колеры ў чаканні:
Дзе пажаданы так дазвол,
Каб неяк раптам на світанні
Ўзнялося полымя наўкол
Чырвоным, жоўтым усіх адценняў,
Каб на зямлі пачаўся зноў
Апошні яркі баль адзенняў
Асобных дрэў, дуброў, лясоў.
Каб у чарговы раз натхненне
Прынесла шэраг важкіх слоў.