Ви къаматдин экв амазма ви кlвале,
Цава авай са рагъ тир вун, Гюзеля!
Аквадач чаз мад атайла вун хуьре,
Женнет эгьли хьурай вун чан,Гюзеля!
Ван хьайила,мез кьурана рахадай,
Я кlан хьанач и хабардихъ ягъазни!
Булахвийри кьаз авай вун мукьвадай,
Хабарар кьаз,жедай вун чахъ рахазни!
Гзаф зегьмет акурд я ваз гьелбетда,
Чlугурди я вуна чlехи зегьметар!
Урус чlалан тарсар гана къурбатда,
Къазанмишнай вуна еке къиметар!
Гьамишанда килигда вин суьретдиз,
Рикlе хуьда аманат яз гьелбетда!
Акъваздай хьи,вил алаз вал гуьзетиз,
Туна на чун,ава гила хелветда!