Ярдиз це хабар, гар, гуда лагь ярди темен ваз,
Лагь яргъарилай гузва са тапарди темен ваз.
Аям я гьикьван вил галамаз хуьзва дидардихъ,
А верцlипlузардин я агъу, марни темен заз.
Ахварай акваз хьуй хьи темен къвезва темендив,
Уяхдиз ада жеда эгъвей сарни темен заз.
Ашкъида гьатайлай чизамач вуч ятlа гад, кьуьд,
Тlурфанни, патав яр гватlа - гатфарни темен заз!
Заз "ун" лугьудай тек са куьруь гаф жеда мелгьем,
Ада атlудай гьар гъвечlи икърарни - темен заз!
Цавара кутlуннайди я лугьуда муьгьуьббат,
Зун бенде ятlа, куьз жеда бес ар де темен заз?
Ша вун къугъвамир Намиказ ашкъид уюнар гьич,
Рекьида за ам, гайтlа са агъярди темен ваз.
12.06.2023