Гьайифни татана вичин рухваяр,
Чилик ракъурзава ватанди къе гьикl.
Дидейрин, бубайрин хазава лувар,
Садрани мад хжеч такабурдив тик.
Дявеяр къвазариз ийизвач жегьдер,
Саясатчийрин кьил фитнейрик гала.
Жибинриз пул къвезва, пагонрал - гъетер,
Тек са дидеяр я, вил рекьел алай.
Кlвачарив фенвайбур къунерик хквез -
Сая, ади хабар хьанава: " кьена"...
Гьикlни регьятдаказ вердиш хьанва мез,
"Аллагьди рагьметрай", - лана куьтягьна...
04.09.2023