Кlела аялриз...лезги алфавитдал са абракадабра...
Даниил Хармсан стилда кхьиз кlан хьана...кхьейди я))
Арабаяр гилитlна,
Балкlанрал пар илитlна,
Вацl галайнихъ физва хуьр,
Галтугарна кьада къуьр.
Гъилевайд чи туп - туьфенг,
Гьич са кlусни жедач ленг.
Дегьрени якlв епинал -
Ебни тунва жибина!
Ёъ! Им вуч тир, мел хьтин?
Жибинар чи цел хьтин.
Зунни, вунни, атlадни...
И вире ни къатадна?
Йикъалдариз къамишар,
Кефинава гамишар.
Къармах тегьей - кьаз жедач,
Кьун тавуна таз жедач.
Кlекlец вегьин кьамариз,
Лапlаш ягъин хамариз.
Муькъвен винел вуж я ам?
Нуькl хала я, къуш я ам.
Оазисдиз дередин!
Пудкъад тавдин, жуьредин!
Пlапlрус чlугмир, аялар!
Ракъура ам рагалай!
Сагълам уьмуьр бегьер я,
Тембекдин гум зегьер я.
Тlимил бала квач адахъ,
Усалвалмир, хьухь чlалахъ.
Уьлендиз аватна сикl -
Фагъирдин гьал хьурай гьикl?
Хвах гъваш, луьткве хьтин затl -
Хъийин чна ам азад.
Хьахьна ам гьин акьулдив?
Ци кьежирна цlекlул хьиз...
Цlайин патав гъваш ама,
Чил фереди тач ама!
Чlални чидач гъин мецел,
Ша чукlурин ам къецел.
Эгь, им гила эхир я,
Юкъак кутур пехир я,
Яъ, лагьанан шиир я?
10.10.2023