Зул, лагь гьинай атана вун и сефер?
Гьина жуван чка хъуьтlуьз гана на?
Гад чукlурна, хана адан на кефер,
Ич - чуьхвердин ни туна багъ - сала на.
Вуч акуна сиягьатдин рекьера
Ваз? Рахух чаз кьилел атайд - татайдкай.
Вуч жагъуриз кlанзава чи серкlверай?
Хабар яни ваз за ви сир кьатlайдкай?
Дегишвал хьиз аквазава виридаз,
Тlебиатдин чlав я лугьуз ава хьи.
Ви уюнар малум хьанва амма заз,
Чи уьмуьрдал сав вегьизва на рехи.
Инсандин вун гуьгъвенава, тади гуз,
"Вача, вача,"- гьалзава чун на вилик.
Вучна кьван ваз махлукъатди, я арсуз?
Ам тахьайтlа, лагь кван низ я вун герек?
14.10.2023