***

Вун гъвечlи аял хьиз ксанва, завай
Юза жезвач кватда лугьуз, кичlелай.
Дакlардай аквазвай вацрани цавай,
Вилербурзава заз, акъудиз чалай.

Пlузарар хъуьрезва ахваравай ви,
Лугьуз саки вацраз: аквазва заз гьа!
Вилербур хъийизмач ада мад зазни,
Зун къерехдик кума, куьн кьвед къугъвазва.

Темен гузва вацра ви чиниз, сивиз,
Нурдин лацу хьелер ава вал къугъваз.
Вучар чlугвазва за ихтибар тийиз,
Гьикl лугьун а къайи къванциз за акъваз?

Эврика! Дакlардин перде кудна за,
Квахьна са легьзеда варз, гьич тахьай хьиз.
Чи арадвай кешиш икl кувудна за,
Къахчуна ихтияр мад жуван гъилиз!..
20.10.2023