***

УЬМУЬР  ГЬАК1АН  ЗАТ1  ТАХЬУРАЙ               
               

Халикьди гай уьмуьр гва чав,
Уьмуьрдикни:  пуд жуьре ч1ав.
Ч1аварик квач, лагьайда, кав,
Хьанач  ч1авар  бахт къалурай.
 

Аял тир ч1ав - дидед къайгъу:
Ч1угвазва кьван зегьмет аку,
Хьун паталди уьмуьр бахтлу!
Бахтар галай вахт атурай!


Асул ч1ав я  жегьил девир:
Мажал гвай, веревирд ийир,    
Чирдай, вуч я, зиян, хийир…
Хъуткьун хьана,  кьат1 тахьурай.


Агакь тавур рик1ин мурад
Кьун тавун я кьисметди пад.
Ийизвайбуруз, дад-бидад,
Умуд ама,-  гат  тавурай.
               

Ни хуьзват1а къулай агьвал:
К1вале чим жед, тандал партал...
Агатдач кьван крарик усал,               
Жафа ч1угвада,  кьве къат гудай.


Аяндардиз кьван жела чир,
Авурда к1ел, фагьум, фикир…
Къелемни чар кьаз ара бир,
Кхьинрик жед , хат1 къалудай.


Сагъвал я кьван – зубукь тир тан.
Кефи ч1агъдан гьални к1убан.
Т1ал-квалдикай, ширин тир чан,
Хуьх, азурда гьат тавурай!


Кьит1 такурдаз рузи, нямет…
(Квазни жеда абурук кфет),
Ч1угваз хьана гьекь квай зегьмет,
Бес кьадарда к1ат1 ац1удай.


Чешмег гьалдна, къуькъуьм аквар,
К1ек1ецди хуьз к1вачин азар,
Виш йис хьана, тахьай бизар…               
Кьуьзуьвилиз, тахт акурай!               


Халикьди чаз гайи уьмуьр
Ганвайди туш галаз уьзуьр… 
Ч1аварални, жув рази тир,               
Эхир кьиляй, элягъ муьгьуьр.
Уьмуьр гьак1ан  зат1 тахьурай !