***
Пусціў на вуліцу ката,
Зварыў з падліваю спагеці.
Блішчыць у лужынах вада,
І Новы год ідзе па свеце.
Суседка выскачыла ў двор.
Павіншаваць хацеў са святам.
Схапіла хуценька тапор
І зноў заскочыла - у хату.
І на вячэру будзе штось:
З духоўкі бульбачка з грыбамі.
А Новы год прамок наскрозь,
Па лужах шлёпае нагамі.
Блішчыць у лужынах вада,
І Новы год ідзе па свеце...
Пара ўжо зваць свайго ката:
Яму падліва, мне - спагеці.
31. 12. 2023 г.