***

Декабрдин вацра зун хуьревай. Кандин кlаневай хутунд ттарцел тек са цуьк ахъайнавай, шикил чlугадайвал тир, рикlелай алатна, кьве къалалай садлагьана гьаваяр чlур хьана, бул живер къвана. Къе зи рикlел хтана а цуьк...

Декабрар куьтягь жезва,
Кьурагь физва гьаваяр гьикl!
Хутунд ттарцин чуьхвелдал са
Ахъа хьанва лацу тек цуьк.

Жив акунвач чилиз гьеле,
Ракъини куз кьилин гачал.
Къянава хъуьтlуь желе -
Цуькведиз хабар ава жал?

Лацу, иер, михьи, тек цуьк -
Алцур хьанвай тапан чимел!
Ам аквазвай зи шезва рикl -
Тlа атайд тир хъуьтlуьн кимел?
03.01.2024