ФИКИР .
;;;;;;
Зи дарман, накъварин дад
Чир хьайит1а ваз, яр,
Ви рик1ени акьадачирни ц1аяр,
Хажалатди вакай ц1урурзава зун,
Аман икьван вучиз к1ан хьанай заз вун,
Вучиз икьван пара к1ан хьана са вун?
;;;;;;
Лувари, акатнавай лувари
Ша лугьузва заз вун авай патариз,
Ч1алари, к1анивилин ч1алари,
Дерт гужумна, ава генани т1ариз.
Зи ван хьайи цаваризни гарариз
Чара авач, ишезава, гьарайиз
;;;;;;
Вакай фикир гьатнава дамарри зи,
Вун авачир уьмуьрни заз дар я зи.,
Фикир сад я , вун зи яр я, яр я зи,
Икьван пара ширин жедани инсан,-
Дуьнедал авай авачир са дарман.
Селминат Курабекова