ЯР ЛАГЬАНА
Ви акурла заз
Нурар вилерин,
Гъида к1унч1ар ваз
Къизилгуьлерин.
Заз яр лагьана
Цуькверни гайи,
Ваз гьик1 чир хьана,
Заз вун к1ан хьайи?
Марфар алахьна куьтягь хьайид хьиз,
Вун акурла ,акурла вилиз,
Зи гуьгьуьлар шадарна михьиз,
Зи чанда цуьк акъайна милиз.
Тухуз вири гарари цифер,
Аквадайвал цаварай гъетер,
Садавайни мад лугьузни тежер
Гафар лагьана хьи вуна заз.
Чубарук хьана
Зи к1анивилин
Вилик атана,
Сирер акъай вин.
Амач зи рик1из
Чкани секин,
Ац1анва михьиз
Са фикирда вин.