Экуь дуьньяда,
Халкьдин арада,
Са лезги гада
Заз к1ан хьанахьи.
Вацран экверни
Йифер шагьид я,
Вун виридлайни
Заз к1ан хьайид я!
За ваз, зи яр, эверайт1а
Яргъалай ван жедани,
Рик1ин сирер ваз лагьайт1а,
Гьамиша к1ан жедани?
Лезги гада яр хьана зи,
Гайи лувар хьана зи,
Яр хьана зи, яр хьана зи,
Сивел са ви т1вар хьана зи.
Зун кьилди туна,
Хиялра тамир,
К1аниди, вуна
Маса яр кьамир.
Вацран экверни
Йифер шагьид я,
Вун виридлайни
Заз к1ан хьайид я.
Селминат Курабекова