Мич1и цава нур гузавай гъед хьтин,
Вун акурла гьикьван рик1из шад жеда.
Рик1из к1ани ширин як1ун къвед хьтин,
Мус вун къвалаг ахгакьна, патав жеда.
Лув гуз авай цаваравай лиф хьтин,
Вун такурла рик1 акъатиз пад жеда.
Ара бир вун жедат1ани циф хьтин,
Зун ви рик1е экв гузавай рагъ жеда.
Кьилин фикир хьайит1ани сеф хьтин,
Савдаяр а кьведанни чи сад жеда.
Жуваз хъувур сапаб са ц1ир-ц1еф хьтин,
Йифти югъди рик1е вун за хуьз жеда.
2022г.