Бадзэ пэху
Бадзэ, бадзэ, бадзэ пэху
Зи ныбафэр дыгъэу нэху.
Бадзэр губгъуэм иунэтlащ.
Бадзэм ахъшэ къигъуэтащ.
«Дэнэ ахъшэр здэпхьыфынур?»–
Бадзэ цlыкlур щlэупщlащ.
Бэзэрышхуэм бадзэр кlуэри,
Самовари къищэхуащ.
«Унэ-цlывхэр фыкъеблагъэ,
Шей къыпыхуу фезгъэфэнщ!».
Цlывыжь гупыр зыхуэсами,
Зы къэмынэу ирафынщ!
Языныкъуэр куэд хумейуэ,
Шынакъищкlэ зэфlокlыф,
Шэ ткlуэпситlрэ дэшхуэфорэ
Яшхмэ псынщlэу ярокъуф.
Нобэ бадзэм и махуэшхуэщ,
Илъэсныкъуэ къигъэщlащ,
Ди пэху цlыкlур ягъэлъапэу,
Ныбжьэгъу псори зэхуэсащ.
Ехъуэхъуну къокlуэ цlэхэр,
Тыгъэ лъапlэ къыхуахьащ–
Вакъэ дахэ, вакъэ дыщэ,
Дэ ди бадзэм къыратащ
Акlэ къуокlуэр бжьэ унагъуэр,
Ахэр хъупlэм къикlыжащ,
Бадзэ цlыкlур гуфlэн папщlэ,
Фо фэндырэ къыхуахьащ.
«Хьэщlэ лъапlэхэ, федзакъэ,
Щхьэ фыщыс фымышхэу фэ?
Сэ си жагъуэ фэ фымыщlу,
Фшхы хьэлыуэ, фшхы кхъуей тlэкlу».
Нимыгъэсу, бадзэ пэхур,
Бэдж фlыцlэжьым къиубыдащ,
Къуэгъэнапlэмкlэ илъэфри,
Ар ишхыну тегушхуащ.
«Ей, си хьэщlэ, къеблэгъахэр,
Сыкъевгъэл, севмыгъэукl,
Сэ спщlэфахэр фlурыхуащи,
Кхъыlэ фигу сивмыгъэхуж».
Ауэ псори хьэпlацlэжьхэр,
Цlыхугъэншэу къыщlэкlащ,
Къэрабгъагъэр ямыгъэпщкlуу,
Зы къэмынэу бзэхыжащ.
Унэ-цlывхэр уэншэку щlагъым
Умылъагъуу кlыщlэпщхьащ,
Языныкъуэри лlыгъэншэу,
Пхъэ пlэ щlагъым щыкlуэдащ.
Бэджыжь фlыцlэр мыгушыlэ:
И хъар хужьыр къыдихащ,
Бадзэ цlыкlуми щымысхьу,
Щхьэрипхъуэну ар щlидзащ.
Бадзэ пэхур мэгуlэжыр,
Тэмакъ уз хъужауэ ар,
Магъ, мэкlий, мэлъаlуэ бадзэр–
Ауэ бэджым ар и шхынщ.
Къыздикlари къагурымыlуэу,
Аргъуей щlалэр къэхутащ.
Мафlэдз щылъыр къиlэтыжри,
Уэздыгъэшхуэр щlигъэнащ.
«Даlэ бэджыр, даlэ бзаджэр?»–
Жиlэу щlалэр унэм щlэтщ,
Лейзехьэжьыр къилъэгъуащи,
Джатэ жаныри къыдех.
«Сэ уэ lейр узыкlынущ!»–
Жиlэу бэджым бгъэдолъатэр,
Джатэ жаныр трешащlэ–
Бзаджэм и щхьэр пегъэлъэт.
Щlалэм хъыжьыр зыпеупщlыр,
Бадзэ цlыкlур ***т ещlыж,
«Уэ къыздэкlуэ, пщащэ дахэ»–
Жиlэу щlалэр къотlысыж.
Цlыву щыlэр зэхуосыжыр,
Уэншэку лъабжьэм къыщlопщыж,
Языныкъуэри абыхэм
Пхъэ пlэ щlагъым къыщlокlыж.
Тхьэгъэлэджхэри къокlуэжыр,
Унэм щlэсыр къагъэунэху,
Ефи, ешхи къамыгъанэу,
Псори щыlэхэр зокlуж.
Цlывхэм псоми я гуфlэгъуэщ,
Бадзэр нобэ дагъэкlуащ,
Зыдэкlуари аргъуей цlыкlукъым,
Иджы щlалэр – аргъуей хъанщ!
Хъумпlэцlэдж, си шыпхъу, си дахэ,
Уи пхъэ вакъэм ущымысхь.
Уэрэд жыlэ, куэду къафэ,
Нобэ ттхынущ дэ нэчыхь!