Вун амачиз физва йикъар,
Ягъаз кlан туш я рахазни!
Пlузаризни яна къабар,
Кхьидач на мад кагъазни!
Атанва чаз гила гатфар,
Тlебиатдал чан хквезва !
Рикlе хуьзва лагьай гафар,
Фикиррини,мефтl регъвезва!
Туна на чаз ктаб,дафтар,
Тавханада,кlвалин пипlе!
Рикlе амаз гзаф къастар,
Тунач тlалди,кlвачин хире!
Яд атlай регъв хьиз аквазва,
Вун авачир дарамат къе!
Ви гьар шиир чав рахазва,
Яд амачир кьурамат къе!
Вун амукьда чи рикlера,
Гьамишалугъ аламаз чан!
Гзаф къекъвейди я рекьера,
Кlандай кlвале рахаз ви ван!
Далдам алачир тир мехъер,
Гьар хуьре ваз кlандай мелер!
Ядай гьахъсуздаз на михер,
Рикlерани тадачир хер!