Храна цавари циферикай къир,
Шагьсувал вегьенвай экуьн яралай.
Захъ авай ахъайдай адаз рик|ин сир,
Дагъдин чин к|еви яз, зи вил гараллай.
Хъсан тамашадин сифте кьиляй хьиз,
Килигиз амай зун сабур амачиз.
Хкажна и перде лап сегьнедай хьиз,
Эхирни гарари тади галачиз.
Ингье, зун агатна Шагьсуван ценцив,
Гъилери чуькьуьзва зи рик|ин дафтар.
Ак| хьана, агатна дидедин гинив,
Элкъуьриз а хъипи хьанавай чарар...
Теране Керимова Оружова
14.11.2023.