Молитва праведному Иоанну Кронштадтскому

О всесвятый и праведный угодниче Божий Иоанне Кронштадтский! Архангелов собеседниче и о нас грешных теплый и скорый молитвенниче, помози мне унылому и грешному в временнем сем житии. Кормчий Божий - не дай погибнути и разбитися кораблю житейскому о рифы пагубных страстей моих. Истинный воин Христов, зла победителю, бесов прогонителю - не дай погибнути на поле духовной брани моей. Се бо, страстьми греховными обуреваемый и злобою снедаемый, покаяния сердечнаго не принесохом, сего ради многим скорбем и печалем достоин явихомся. Ты же велие дерзновение ко Господу и сострадание к ближним имея, умоли Всещедраго Владыку, да пробавит милость Свою на мя и потерпит неправдам моим и не погубит мя грех моих ради. Дай мне, святче Иоанне, любовь нелицемерную, кротость долгожительную и воздержания премудрость. Уврачуй благодатию, данной тебе от Бога, язвы души и тела моего, да не неисцелен отыду из жизни сей временней, но да чист и непорочен предстану Престолу Божию, прославляюще Отца и Сына и Святаго Духа во веки веков. Аминь.