***
Сягоння снілася мне зноў
Жыццё з табой. І сніўся вецер.
Усё было, прайшло без слоў,
А мы яшчэ жывём на свеце.
А мы яшчэ з табой жывём -
Ты там, я тут - на белым свеце.
І снімся, што кудысь ідзём
Праз боль, снягі, дажджы і вецер.
Вядома, сёння ж пазваню,
Але пра сон - не выдам гуку.
Цябе даўно я не віню
За нашу доўгую разлуку.
Жыццё было, прайшло, як сон,
А ад яго застаўся вецер.
Хоць паасобку, ва ўнісон
Жывём з табой на нашым свеце.
10. 04. 2024 г.