Цуьк хьиз хьана вегьена гъил,
Къалгъанди цаз сухна вичин,
Пияла хъваз алайла вил,
Зегьер цана гъана гичин.
Куьз лагьанай заз яр вуна,
Агатна зав халис иблис,
Жедач завай вун яр кьуна,
Дат1ана вав тухуз силис.
Винелай вун хъуьтуьл махпур,
Вуч ават1а къене рик1ин,
Назик гафни жезва гапур,
Хъваз жедани агъу ширин!..
Нур гудайд кьванд туширд къизил,
Фад чидай заз - акурд тушир,
Къизил гафар акваз кьезил,
Язух рик1из агъур тушир.
Вун заз гайи жаза я жал,
Вахтар физва - амач мажал,
Эхир кьил я так1ан ажал,
Ви гьар амал хьана хинжал.
27.04.2024.