Галина Храбрая
«ПОМОЛИМСЯ СВЯТОЙ МУЧЕНИЦЕ ТАТИАНЕ»
Тропарь святой мученице Татиане Римской,
глас 4
Агница Твоя, Иисусе, Татиана
/ зовет велиим гласом:
/ Тебе, Женише мой, люблю
/ и, Тебе ищущи, страдальчествую
/ и сраспинаюся и спогребаюся крещению Твоему
/ и стражду Тебе ради,
/ яко да царствую в Тебе и умираю за Тя,
/ да и живу с Тобою,
/ но яко жертву непорочную приими мя, с любовью
пожершуюся Тебе:
/ тоя молитвами, /
/ яко Милостив, спаси души наша.
Ин тропарь, глас 4
Всечестная благочестия учредительнице,
/ прехвальная и всеблаженная мученице Татиано,
/ сосуд девства и чистоты явившися
/ и невеста Христова нарекшися,
/ страданий же кровьми украсившися,
/ возлетела еси в небесный чертог; /
/ темже чтущия тя поминай.
Кондак, глас 4
Светло во страдании твоем
возсияла еси, страстотерпице,
/от кровей твоих преиспещрена,
/ и яко красная голубица
/к небеси возлетела еси, Татиано. /
/ Темже моли присно за чтущия тя.
Величание:
Величаем тя, святая мученице Татиано,
и чтим честная страдания твоя,
яже за Христа претерпела еси.
Молитва первая:
О святая мученице Татиано, приими ныне нас, молящихся
и припадающих к святой иконе твоей. Молися о нас, рабех Божиих (имена),
да избавимся всяких скорбей и болезней душевных и телесных
и благочестне поживем в настоящем житии, и в будущем веке сподоби нас
со всеми святыми поклонятися в Троице славимому Богу,
Отцу и Сыну и Святому Духу, ныне и присно и во веки веков. Аминь.
Молитва вторая:
О святая мученице Татиано, невесто Сладчайшаго Жениха твоего Христа,
агнице Агнца Божественнаго, голубице целомудрия, благоуханное тело страданьми,
яко одеждами царскими, одеявшая, к ликом небесным сопричтенная,
ликующая ныне во славе вечней, от дней юности служительнице Церкве Божия,
целомудрие соблюдшая и паче всех благ Господа возлюбившая!
Тебе мы молимся и тебе мы просим: внемли прошениям нашим сердечным,
и не отвергай молений наших, даруй чистоту тела и души, вдохни любовь
к Божественным истинам, на путь добродетельный введи нас,
ангельское охранение испроси у Бога нам, наши раны и язвы уврачуй,
юность огради, старость безболезненну и безбедну даруй,
в смертном часе помози, поминай наши скорби и отраду даруй, посети нас,
сущих в темнице греха: на покаяние настави скоро, возжжи пламень молитвы,
е оставь нас сирых, да славяще страдания твоя, возсылаем хвалу
Господу ныне и присно, и во веки веков. Аминь.
Молитва третья:
Мученице Христова, Татиано славная,
всеучилища града сего превопрестольнаго небесная покровительнице,
чащихся в нем и учащих известная заступнице! К предстательству твоему
ныне притекающе, молимся ти, страстотерпице всехвальная:
сохрани умы наша чисты от всякия скверны,
сердца же наша познанием истиннаго Бога просвети.
Сподоби нас, земныя науки вся постигше, и высшему учению навыкнути,
еже есть памятование о Бозе и молитва непрестанная.
Буди ходатаица о нас пред престолом Всевышняго, да, скончавше
поприще сие земное, внидем и мы в селения райская и тамо,
вкупе с тобою и со всеми святыми, прославим всечестное и поклоняемое имя
Отца и Сына и Святаго Духа во веки веков. Аминь.
*Х*
http://www.stihi.ru/2015/01/25/2568
«25 Января – День Российского Студенчества!»