Устань і йдзі! Няма чаго ляжаць!
Жыццё даецца не дзеля канапы.
Нясі у свет агмень жывы – агапэ –
і ты пазбегнеш смертнага крыжа.
Гані ляноту прэч! І прагні: жыць!
І бласлаўляць. Маўчун ты ці балака,
за кожны міг узнось Тварцу падзяку:
і шлях прамы смакуй, і віражы.
Любі людзей! Такіх, якія ёсць!
І так, як Бог іх любіць – безумоўна.
Усё даруй. І будзь са ўсімі роўны.
Бо на зямельцы кожны – толькі госць.
Крыніца натхнення: http://www.stihi.ru/2014/04/01/918